تازه او عاجل خبر

بغلان کې ۸ تنه عسکر د طالبانو په یو برید کې وژل شوي

توره بوړه ( دوشنبه، ۲۹ مرغومی، ۱۳۹۹ل)
راپورونه وایي بغلان ولایت کې د حکومتي ځواکونو په یوه پوسته د طالبانو له لوري برید شوی چې ګڼو عسکرو ته په کې مرګ ژوبله اوښتې.

یوې سمه ییزې سر چینې رسنیو ته ویلي دي چې برید تېره شپه د بغلان سمنګان په لویه لاره د پلخمري په سیمه کې شوی.

د سر چینې په وینا په یاد برید کې پوسته په بشپړ ډول له منځه تللې ۲ ټانګونه سوځېدلي ۸ عسکر وژل شوي او ۲ نور ټپیان شوي دي.

دغه راز سرچینه زیاتوي چې د څو تنو نادرکه شوو عسکرو جسدونه شاید د پوستې د رالوېدلو دیوالونو لاندې وي.

د وژل شوو عسکرو خپلوان د پلخمري ولایتي روغتون ته د مړو ترلاسه کولو لپاره راغلي دي، او په حکومت یې د بې پرېوایۍ تورونه لګولي.

طالبانو او حکومت تر دې دمه د یادې پېښې په اړه رسنیو ته په رسمي ډول څه نه دي ویلي

دا هم ولولئ  صوماليه کې موټر بم بريد ۲۰ حکومتي کارمندان وژلي


د تازه خبرونو او ویډیوګانو لپاره د توره بوړه ویبپاڼې ټیلیګرام چینل درسره فالو کړئ 

https://t.me/TooraboraPashto

Close